无IG。。。」
Alvin抬起头，笑容可掬地说：「无啦啦做咩say sorry啫。咁你俾你电话号码我啦，我转头send番啲相俾你。」
「下？」
我无听错吧？Alvin问我电话？偶像级人物突如其来嘅抄牌，的确难以置信。旁边嘅Katie同其他女仔不禁低声惊叹，双眼发光咁望住我。
我嘅迟疑似乎令Alvin误以为我不大情愿。佢挤出得体嘅笑容，掩盖着一点难以察觉嘅失望说：「Hmm。。。如果你唔想嘅话，就当我无问过啦。哈哈，我谂住得闲我地可以一齐做gym食饭或者出街咁。。。」
做gym？食饭？出街？
虽然我尚未完全从惊讶之中恢复过来，但未至於迟钝到无晒反应嘅，於是连忙补救说：「唔系呀，我OK啊！我系有啲surprise之嘛！哈哈，话晒你都系明星。。。」
知道我其实并非要拒绝，Alvin登时松了一口气说：「傻啦，我同你咪都一样系人，只系你再靓仔啲同大只啲罗。」面对Alvin今日嘅连番赞赏，到宜家我仍只识得傻笑回应。我输入咗自己电话号码之後，将部电话比返佢。佢珍而重之咁save好後，我地就重回岗位，完成今日嘅义工服务。
傍晚，离岛嘅街坊喺一间酒家为我地预备咗晚餐。我地一团人三十多个年轻人，热热闹闹，气氛高涨。吃完糖水，大家饮饱食醉之际，有人大声呼喊：「Alvin不如唱首歌呀？」
三十多对眼睛马上转到Alvin身上。佢一副处之泰然嘅样子，说：「咁你地想听咩歌先？」
语毕，全场立即欢呼拍掌。酒家老板还递上一个古老无线咪，欢呼嘅声浪再度提升！
「《歌颂青春》！」
「一首唔够！我要晒《出走五部曲》！」
「你咁贪心架？我要新歌，一於就《停三分钟听一阕歌》啦！ 」
各人开始点唱自己嘅心水歌曲，酒家顿时彷佛变成了Alvin嘅小型音乐会。
Alvin低头细想咗一阵，将无线咪举至唇边，所有人自动自觉地安静下来。
完全无伴奏之下，Alvin缓缓地唱出第一句。
Alvin不愧系实力派歌手，没有专业设备和伴奏不但无妨碍表演，反而让佢嘅感情可以自然地流露，更有味道。各人不忘住电话拍片留念，而我总觉得与其隔住个mon睇表演，倒不如现场细心欣赏。毕竟偶像都系人，不停地工作咗一整日，Alvin一定都有啲累。但身为专业歌手，佢嘅状态没有因此而大受影响，稍微低音嘅声线，反而更加磁性。
不过，我好似有个错觉，Alvin讲嘢同唱歌不时会望向我嘅方向。一定系我嘅错觉！人地做歌手就系要做到每一个表情动作都能带动观众，而且令人觉得系同自己直接交流咁。
唱完一首，众人随即鼓掌encore，Alvin毫不吝啬地送上第二首。连番精彩嘅表演，Katie等忠实粉丝固然拍烂手掌，不停尖叫，但想唔到连教授都非常投入，落力鼓掌。
Alvin环顾众人，眼神真诚地说：「多谢学校邀请我参加今日嘅活动，能够同各位师弟师妹做义工真系好开心。」Alvin稍停片刻，眼神固定地直望住我，嘴角上扬，继续说：「好高兴认识到新朋友。」
热烈嘅掌声和欢呼再次哄动整间酒家。
「咕噜、咕噜」为咗避开对视，我马上拿起支啤酒再队。然而，轰动如雷嘅掌声，都掩盖唔住我激烈嘅心跳声。每一下心跳，就好似一下鼓声，重重地击落我嘅心头。
搭船返市区後，大家即将各散东西。虽然真的不太自在，但我最後依然鼓起勇气走向Alvin，礼貌地说：「好高兴认识你呀Alvin，迟啲有机会再见。」
Alvin露出一个调皮嘅表情，挑眉说：「系咪先？你搵我，我实出嚟?。你住边呀？使唔使车埋你？」
我微笑摇头说：「唔使喇。你今日都累，早啲休息啦。」不过，我也渐渐习惯咗佢嘅热情，补充说：「放心，我一定会搵你嘅。开演唱会记得留飞比我！」
呢个答案，Alvin似乎颇为满意。佢笑逐颜开说：「一言为定，Bye Will！」
「Bye！」
一日内睇完30个case，本身已经筋疲力尽，夜晚食饭又饮咗几杯，返到宿舍只想倒头就瞓。
「我返嚟啦。」
带住耳机嘅Jerry背着门口坐喺台前，没有回答，「雪」「雪」声食紧杯面玩手机。我谂就算火警佢都应该听唔到。我将运动袋放喺地上，除咗件衫就立即趴上床休息。
「咦？原来你喺度呀？」过了好一阵，似乎Jerry终於食完个杯面先发现我嘅存在。
「嗯。」
Jerry故作神秘地说：「我suggest你临瞓之前熄咗电话先。如果唔系，啲message可能多到你瞓唔到。」
我勉强睁开经已合上嘅双眼，